Judith suportado ang proyektong seniors and children park

SUPORTADO ni Konsehal James Juduth, Chairman sa Komite sa Arbitration, ang giplanong senior citizen and children park nga tukuron sa syudad.

Kini ang gipaambit nga reaksyon ni Konsehal Judith sa special report ni Konsehal Roger Abaday atol sa sesyon niadtong Lunes nga gidumala ni Bise Mayor Bebot Rodriguez nga may kalabutan sa planong pagtukod og seniors and children park nga susama sa Fe Misa Ayala Park sa Tagum City, usa ka dapit nga makapahigayon sa libreng  pag-ehersisyo ang mga hamtong ug kabatan-onon.

Sumala ni Judith nga gawas nga makahatag kini sa kalingawan sa matag pamilya nga mahimo nilang suyoranan makadugang usab kini sa atraksyon sa turismo sa syudad.

Alayon niini gisugyot ni konsehal nga mausa nalang ang maong plano sa gimugna nga Technical Working Group (TWG) alang sa maong katuyoan sama sa Project Lunhaw ug sa Tree of Life Marker kay kumpleto na ang rekisitos nga gisita sama sa site development plan, vicinity map ug conceptual design aron maka-avail sa green-green program sa Department of Budget and Management kun DBM.