Judith pabor pagduso sa petitionpag-interbinar sa kaso sa COBI ug COWD

SUPORTADO ni Konsehal James Judith, Chairman sa Komite sa Arbitration, nga mahatagan sa katungod si City Mayor Rolando Klarex Uy pinaagi sa City Legal Officer pagduso sa petition  pag-interbinar sa korte kabahin sa problema tali sa  Cagayan de Oro Water District ug Metropac Water Investment Corporation.

Kini ang gipaambit nga reaksyon ni Judith atol sa gihimong special session niadtong Huwebes nga gidumala ni Bise Mayor Bebot Rodriguez.

Sumala sa konsehal nga nasabot niya nga ang maong problema nga natagamtam karon sa syudad  tali lamang sa COWD ug COBI apan ang dakong naapektuhan mao man ang katawhan sa dakbayan nga nag-antos sa walay agas sa tubig nga maoy labing importante sa tanan subay sa panultihon nga ‘Water is life’, sumpay ni Judith.

Nagtoo si Judith nga gihimo lamang sa kagamhanang lokal ang mga pamaagi nga mapangitaan ug kasulbaran ang krisis sa panubig nga nasinati karon sa syudad diin ang kinabag-an ang naapektuhan.

Niini, hugot nga gisuportahan ni Konsehal Judith ang maong ordinansa sa tinguha nga masolusyonan ang giatubang nga problema sa supply sa tubig sa dakbayan.