Judith malaumon masolusyonan problema sa doluna sa Bugo ug Mambatangan

MALAUMON si Konsehal James Judith, Chairman sa Komite sa Arbitration, nga masolusyonan ang problema sa doluna sa Barangay Bugo ug sa Barangay Mambatangan, Manolo Fortich Bukidnon human nagpagawas sa resulta sa ilang gihimong joint political boundary survey ang Department of Environment and Natural Resources (DENR)-10 sa maong dapit.

Kini ang unod sa special report ni Konsehal Judith atol sa sesyon niadtong Lunes nga gidumala ni Bise Mayor Bebot Rodriguez.

Sumala sa konsehal nga gitino ang mga mohon atol sa gipahigayong survey sa buhatan sa DENR, nga gisaksihan sa konseho sa Barangay Bugo ni Kapitan Spencer Cailing ug konseho sa Barangay Mambatangan ni Kapitan Henry Dampal nga  maoy  makatumbok sa doluna sa duha ka mga barangay.

Mahinumdoman nga nagpadangat sa resolusyon ang duha ka barangay ngadto sa Komite sa Arbitration aron mapangitaan sa tukmang solusyon ang maong problema.

Giduso ni Bise Mayor Bebot Rodriguez ngadto sa Komite sa Arbitration ni Konsehal James Judith ang maong report alang sa tukmang aksyon ug rekomendasyon.