Judith gisigurong limpyo ug luwas ang tubig sa syudad
GUSTONG masiguro ni Konsehal James Judith kon napatuman o nasunod ba sa Cagayan de Oro Bulk Water, Incorporated (COBI) ang mga kalagdaan sa kontrata alang sa kapasegurohan nga limpyo ug luwas sa kadaot ang katawhan sa supply sa tubig sa syudad.
Kini ang unod sa gipadangat nga special report ni Konsehal Judith atol sa sesyon niadtong Lunes nga gidumala ni Bise Mayor Bebot Rodriguez.
Sumala ni Judith nga sa wala pagtuman ni COBI sa kalagdaan ug tipik niini mao ang pagbutang sa East Pipe Line gikan sa tinubdan sa tubig nga maoy mokutay paingon sa Sitio Taguanao ug Upper Camaman-an ning syudad, hinungdan nga nawad-an sa kinitaan ang Cagayan de Oro Water District (COWD) sa P400mil ngadto sa P500mil matag bulan ug sa giingong walay kapas si COBI nga mahimomg mo-supply sa tubig sa syudad tungod kay wala siyay filtration o water treatment plant nga maoy sumbanan nga rekisitos sa tanan mga bulk water supplier sa nasud aron masiguro nga limpyo ug luwas ang tubig sa pag-inom sa katawhan, sumpay sa konsehal.
Nunot niini gisugyot ni Konsehal Judith nga maduso kini nga taho sa Komite sa Public Utilities ni Konsehal Romeo Calizo alang sa imbestigasyon ug tukmang aksyon.
Comentarios