Judith gihingusgan matumbok asanahisakop ang Macahambus Cave

GITINGUHA ni Konsehal James Judith, chairman sa komite sa arbitration, nga matumbok asa nahisakop nga barangay ang Macahambus Cave sa tumong nga masugdan mapalambo ang maong langub nga usa sa inila nga tourist destination sa dakbayan sa Cagayan  de Oro.

Kini ang unod sa special report ni Konsehal Judith atol sa sesyon niadtong Miyerkules nga gidumala ni Bise Mayor Bebot Rodriguez.

Gibutyag sa konsehal nga sa Makahambus Cave nahitabo ang panagsangka tali sa mga sundalong Pilipino batok sa mga Amerikano diin nagmadaogon ang tropang Pinoy.

Tumong ni Konsehal Judith nga masulbad sa labing dali nga panahon ang issue sa jurisdiction aron makalihok na ang gimugna nga City Development Council nga maoy gitahasan sa gobyerno lokal  nga molantaw aron sa pagpalambo sa mga tourist area ilabi na ang mga langub sa syudad.

Ang maong taho giduso ni Bise Mayor Bebot Rodriguez ngadto sa komite sa arbitration alang sa dugang pagtuon ug rekomendasyon.