Judith gihingusgan masulbad doluna tali sa Macahambus Cave, Gorge

GIHINGUSGAN ni Konsehal James Judith, chairman sa komite sa arbitration, nga masulbad sa labing daling panahon kon asa gayod nahisakop ang Macahambus Cave ug Macahambus Gorge—sa Barangay Lumbia ba o’ sa Barangay Bayanga.

Atol sa tigom sa komite, dako ang pasalamat ni Konsehal Judith sa duha ka mga barangay human naklaro ang doluna diin nauyonan nga ang Macahambus Cave ubos sa hurisdiksyon sa Barangay Bayanga ug anaa usab ubos sa ilang dapit ang Macahambus Gorge sa Barangay Lumbia.

Gisugyot ni Judith nga magbutang og reference point ang duha ka barangay sa dapit aron dali ra maila ang ilang doluna.

Malaumon si Judith nga sa pagdumala sa matag barangay sa maong dapit daling mapalambo ang turismo diin makahatag kini sa dugang kinitaan ug atraksyon sa dakbayan.

Gitakdang magpahigayon og ocular inspection ang  komite uban sa  survey team ug mga hingtungdan ahensya sa gobyerno lokal karong umaabot Marso12 ning tuig. (MLRapanot/SP)