Judith andam mosuporta sa programa sa mga Lumad

DAKO ang kalipay ni Konsehal James Judith, Chairman sa Komite Arbitration, nga pormal nang milingkod sa konseho si Roberto Cabaring o Datu Makilala atol sa sesyon niadtong Lunes nga gidumala ni Bise Mayor Bebot Rodriguez nga maoy morepresentar sa mga Indigenous People sa dakbayan.

Kini ang gipaambit nga panahom ni Konsehal Judith agig pag-abi-abi ni Datu Makilala sa iyang katudloan isip maoy modala sa tingog sa mga lumad diha sa konseho.

Sumala ni Judith nga andam  niyang  paluyohan ang mga programa ug proyekto nga makahatag ug kaarangan sa mga nagkadaiyang hugpong sa mga lumad diha sa kabarangayan sa syudad.

Malaumon si Judith nga pinaagi sa tingog sa mga lumad diha sa hawanan sa  konseho mapaabot nila ug  mapatuman  ang ilang mga gitinguhang mga programa.