Ipakita nga lig-on ang mga Kagay-anon - Konsehal Nacaya

Kagay-anons are resilient!

Kini ang reaksyon ni Konsehal Ian Mark Nacaya sa special report ni Konsehal James Judith, II.

Sumala sa konsehal nga angayan mabutangan og memorial o’ handumanan ang mga Kagay-anon nga  nangamatay atol sa Bagyong Sendong pila ka tuig na ang milabay.

Hinoon matod sa konsehal nga dinhi sa dakbayan, daghan og gawasan ang Cagayan de Oro River mao nga lisod kaayo ang pag-ila kanila tungod kay nakaplagan ang ubang patayng lawas diha sa Tibasak, Balulang, Sentro, Rotunda, Burgos, Puntod, Macabalan, Consolacion ug sa kadagatan.

Subay niini, gisugyot ni Nacaya nga malingkoran kini aron hisgutan unsay angayan nga buhaton ug desisyonan ang kapalaran sa sakit nga panghitabo sa dakbayan ug atong maipakita sa sunod nga mga kaliwatan ang ka lig-on sa mga Kagay-anon.