Insentibo sa mga establisamentonga mo-hire og PWDs gilaraw

GIDUSO ni Bise Mayor Bebot Rodriguez ngadto sa komite sa social services ni Konsehal Girlie Balaba aron mahimo ang makuting pagtuon sa sugyot nga mahatagan og insentibo ang mga establisamento nga mo-empleyo og mga persons with disabilities (PWDs).

Kini human giduso ni Konsehal Bernie Esparcia ang sugyot ordinansa nga naghatag og bili sa katungod sa mga tawong adunay kabilinggan sa panglawas.

Iyang gipasabot nga pinaagi sa sugyot mapalambo ang kinabuhi sa mga PWDs ug ang ilang kontribusyon sa komunidad, makadani kanila nga moabag dinha sa pagpanday sa kaugmaran sa nasud ug maila ang dakong kontribusyon sa pribadong sektor sa kaarangan sa matag ma-empleyong PWD.

Gipasabot sa bise mayor nga kinahanglan ang makuting pagtuon sa maong sugyot tungod kay nagpahamtang kini og multa ngadto sa mga establisamento nga makalapas sa probisyon niini. (SP/JNortiza/ photos by JAOclarit)