Implementasyon sa EODB gihingusgan ni Konsehal Goking

GIHINGUSGAN ni Konsehal George Goking, chairman sa Komite sa Trade sa konseho nga hingpit maimplementar ang Ease of Doing Business (EODB) dinhi sa syudad.

Nasayran ang konsehal naningkamot nga mahatagan sa panugot og maaprobahan ang integration sa mga barangays sa kinatibok-an sa sistema aron mahimong mas madali ang pagproseso sa mga lisensya og business permits.

Gani, adonay mga pangutana ngadto sa Bureau of Fire Protection (BFP) og Office of Building Official (OBO) kabahin sa mga negosyo dinhi sa syudad nga walay mga occupancy permit nga giingon nga nakahatag og problema ug kahasol ngadto sa mga negosyante. Giingon nga ang maong mga ahensya adunay special nga balaod alang niadtong mag-abli og negosyo nga dili sila mahasol diha sa ilang pagkuha sa mga gikinahanglang dokumento.

Kinahanglan nga matabangan ang mga negosyante ug magiyahan aron ilang masinati ang kasayon pagproseso sa paglukat sa ilang mga permits o lisensya labina nga dako kaayo sila og kontribusyon sa kaugmaan sa syudad, pamahayag ni Konsehal Goking.