Implementasyon sa balaod magpasayon sa proseso pagnegosyo gikinahanglan - Goking

HUGOT ang pagtuo ni Konsehal George Goking, Chairman sa Komite sa Trade and Commerce, nga ang implementasyon sa Ease of Doing Business (EODB) magpalambo sa ekonomiya.

Kini ang pamahayag sa konsehal human sa tigom sa Economic and Ease of Doing Business Forum didto sa kaulohan nga gitambongan sa kadagkoan sa Chamber of Commerce sa lain laing nasud. Nasayran sa maong forum nga aron makaagni og daghang imbestor, angayang mapasayon ang pag proseso sa pag-abli og negosyo dinhi sa nasud.

Dugang gipasabot ni Goking nga ang balaod sa Ease of Doing Business kinahanglang mapatuman gayud sa tanang buhatan sa kagamhanan ilabina sa lokal nga pamunoan sa tinguha nga matuman usab ang mga probisyon sa Anti-Red Tape Act (ARTA).