Hugot nga pagpatuman sa healthprotocol gihangyo ni Cabanlas

Nanawagan ug naghanyo si Konsehal Edgar Cabanlas, chairman sa komite sa urban & rural poor and housing Development sa katawhan sa dakbayan nga kanunay magsunod sa minimum health standard pina-agi sa pagsul-ob kanunay sa facemask, faceshield ug physical distancing aron malikay sa Covid-19.

Kini ang panawagan ni Cabanlas atol sa ilang senemanang programa sa kahanginan nga”S i Bise-Mayor Kikang Uy ug ang konseho” human namatikdan nga misaka ang ihap sa kaso sa Covid-19 sa syudad.

Matud ni Cabanlas nga siguro angayan hugtan pa sa goberno ug sa kapolisan ang pag-enforsar sa balaod ilabi na ni-adtong mga masinupakon ug e-siguro nga mapahamtang kanila ang silot o multa nga maoy gisita sa balaod aron aduna kini kahadlok.

Gipa-ambit usab ni Cabanlas ang iyang kasinati-an sa dihang natakbuyan usab kini sa Covid-19.

“Dili lalim ug dili ti-aw ang kapa-it ug kalisod ang imong matagamtang tungod kay layo ka sa imong pamilya ug kini ra nga sakit nga gidili ang pag bisita,”sumpay sa konsehal.

Nunot niini kinasing-kasing naghangyo si Cabanlas sa katawhan nga unta motuman ug mosunod sa panawagan sa goberno kay alang kining tanan sa atong kaayuhan nga malikay sa maong sakit.