Hingpit nga pagmonitor sa mga natukod nga panimalay, gisugyot ni Calizo

GISUGYOT ni Konsehal Romeo Calizo, Chairman sa Komite sa Public Order, ngadto sa Office of the Building Official (OBO) ang hingpit  nga pagmonitor  sa mga panimalay nga nangatukod dinhi sa syudad.

Sa gipahigayong public hearing niadtong Mierkoles  mahitungod sa Integrated Zoning Ordinance  for CLUP, gipadayag  sa konsehal ang iyang namatikdan diha  sa Barangay Patag nga  adunay mga gambalay nga residential ang giaplayan sa  building permit  apan nahibulong  siya  nga  kadugayan nakabig  naman kini ngadto sa commercial, butang nga iyang gikatingala.

Sumala ni Calizo angayan kini nga mapitol aron  dili kini mahitabo sa ubang barangay  kay tungod niini mabutang nga ma walay pulos  ang gisugyot nga ordinansa.

Hinoon, matod sa representante sa maong buhatan nga aduna silay mga inspector nga gitahasan sa pagmonitor sa  tanang natukod  nga estraktura.

Niini, gihangyo ni Konsehal Calizo ang OBO nga buhaton ang ilang tahas ug mabinantayon kanunay aron mapitol kini  nga  kalihokan.