Higalaay Festival Food Market diha sa Rio de Oro Boulevard suportado ni Calizo
“I CAN see that local tourists have a good place to go.”
Kini ang hugot nga pahayag ni Konsehal Romeo Calizo, Chairman sa Komite sa Public Order, sa iyang special report atol sa sesyon sa konseho niadtong Lunes nga gidumala ni Bise Mayor Bebot Rodriguez mahitungod sa ipahimutang nga Higalaay Festival Food Market diha sa Rio de Oro Boulevard.
Sumala ni Calizo nga wala sa panahon ang negatibong reaksyon sa katawhan dihas social media tungod kay wala lang nila nabati ug wala usab sila mapasabot sa kompletong impormasyon mahitungod sa isyu sa food parks, butang nga ang City Toursim lang ang makahatag sa kompletong impormasyon.
Mipasabot ang konsehal nga wala siyay nakitang dautan tungod kay wala man gipihig ang mga local entrepreneurs nga modisplay sa ilang produkto basta aduna lang silay ikabayad sa inadlaw nga rental.
Matod ni Calizo nga walay dautan kon ipahigayon kining talagsaon ug upgraded nga matang sa food display sa maong dapit tungod kay pinaagi niini gilantaw nga adunay patsada o maayong dapit nga masuroyan ang mga local nga turista atol sa kasaulogan sa Higalaay Festival sa syudad.
Comments