Hangyong relokasyon sa mga biktima sa Bagyong Odette konsiderahon

KONSIDERAHON sa Komite sa Urban and Rural Poor and Housing Development ni Konsehal Edgar Cabanlas ang hangyo nga makapahimulos sa Resettlement Assistance Program sa lokal nga kagamhanan ang mga biktima sa Bagyong Odette.

Usa ka Memorandum of Agreement (MOA) ang gipaabot lagdaan sa kagamhanan sa dakbayan ug National Housing Authority Region-10 alang sa pagpatuman sa Dansolihon Resettlement Project alang sa mga biktima sa Bagyong Odette.

ini kabahin sa tinguha sa dakbayan nga matunol ang desenteng mga pinuy-anan ngadto sa mga informal settler families (ISF) ug mga biktima sa kalamidad nunot sa gisugyot nga Cagayan de Oro Balik Probinsya Bagong Pag-asa (BP2) program. Ang relokasyon nahimutang dinha sa loteng gipanag-iyahan sa dakbayan sa Barangay Dansolihon. (MLRapanot/SP)