Hangyong 3-stag derby sa Indahag tukion sa komite ni Abaday

KONSIDERAHON sa Komite sa Games and Amusement ubos ni Konsehal Roger Abaday ang hangyo ni Victor P. Cabeltes, representante sa Indahag Square Garden, nga matugutan pagpahigayon og 3-stag derby diha sa Lumboy, Indahag sa umaabot Nobyembre 22, ning tuig. 

Sa iyang sulat ngadto sa komitiba, si Cabeltes mibutyag nga ang maong matang sa kalihokan dili lamang magdalag kabibo ug mag-agni sa mga mahiligon sa sabong sa syudad apan makatabang usab kini sa pagpalambo sa ekonomiya ug sa industriya sa turismo sa dakbayan. 

Malaumon ang komite nga kompleto na ang Indahag Square Garden sa mga gikinahanglang  dokumento alang sa maong katuyuan aron masigurong nasunod nila ang mga rekisitos nga gimando sa ordinansa sa syudad. 

Gidapit sa Komite sa pagtambong sa tigom sila si Kapitan Marloon Fidel Bongay, Jr sa Barangay ug Indahag, City Administrator Atty. Roy Hilario Raagas, ug City Legal Officer Atty Kenneth O. Tamala aron magpaambit ang ilang panahom ug opinyon.