Hangyo sa V-Castro H’owners Assn konsiderahon sa urban poor

KONSIDERAHON sa komite sa urban/rural poor and housing development ni konsehal Edgar Cabanlas ang sulat hangyo sa V-Castro Homeowners Association Incorporated nga matabangan pag-angkon sa loteng gitukuran sa ilang mga panimalay.

Matod pa nga ang maong lote gipanag-iyahan sa mga pribadong indibidwal nga adunay gidak-on nga 2,002 metro kwadrado.

Sa sulat sa presidente sa maong kapunungan, giingon nga andam mobaligya ang mga tag-iya sa lote sa kantidad nga P2 mil matag metros kwadrado kon P4 milyones kapin ang nahisgotang lote.

Apan, matod sa kapunungan, dili magahom ang mga molopyo tungod kay kasagaran kanila mga trisikad driver lang ang kapanginabuhian.

Nunot niini, naghangyo ang mga residente nga matabangan sa lokal nga kagamhanan sa dakbayan dinha sa pagpalit sa maong lote. (SP/MLRapanot)