Hangyo sa taga Zone 4, Cugman konsiderahon sa Urban Poor

KONSIDERAHON sa komite sa Urban and Rural Poor and Housing Development ni Konsehal Edgar Cabanlas ang sulat hangyo sa mga residente sa Zone 4, Alwana Compound sa Barangay Cugman.

Kini kalabot sa ilang laraw nga makutayan og linya kuryente gikan sa Cepalco kay sa kasamtangan ang linya sa ilang kuryente naggikan sa usa ka molopyo sa dapit apan, matod pa, dagko kaayo ang ilang gabayaran matag bulan.

Niini, naghangyo ug malaumon ang mga molopyo sa dapit nga mabutangan sila sa poste sa Cepalco aron maoy makutayan sa ilang linya sa kuryente padulong ngadto sa ilang tagsa-tagsa ka pinuy-anan.

Nangaliya ug nanghinaot ang mga molopyo nga mahatagan kini sa igong pagtagad ni Konsehal Edgar Cabanlas isip chairman sa Komite sa Urban Poor.