Hangyo sa molopyo sa F.S Catanico gitagad sa komite sa Public Works

GIHATAGAN og pagtagad sa Komite sa Public Works ni Konsehal Edgar Cabanlas ang hangyo sa mga residente sa Zone-6, Sitio Agpason Barangay F.S Canico ning syudad kabahin sa ilang dalan nga maagian kay sa kasamtangan gikoral man kini ni Mr. Bong Pelaez ug purisyo kanila ilabina sa panahon sa emerhensiya.

Atol sa tigom giasoy sa mga residente nga ila nang gisango kang Kapitan Elpidio Neri ang maong problema apan nagdumili lang gihapon si Mr. Pelaez sa pag-abli sa maong dalan hinungdan nga ila kining gipadangat sa kagamhanang lokal sa pamasin nga mahatagan kini sa tukmang solusyon.

Sa iyang bahin si Konsehal Cabanlas mibutyag nga andam ang gobyerno lokal sa pagtabang ug pagpangita og pamaagi aron matubag ang nasangpit nga problema apan gusto usab masayran ang panig ni Mr. Bong Pelaez aron masuta ang hinungdan sa maong mulo.

Nunot niini ipatawag subli sa sunod tigom sa komite aron makahatag ug makapadayag sa ilang panahom ug opinyon kalabot sa maong reklamo.