Hangyo sa Macasandig Elementary School tun-an sa kom. sa public works

GIPAABOT nga konsiderahon sa komite sa public works ubos ni Konsehal Edgar Cabanlas ang sulat ni School Principal Basilisa Gayramara sa Macasandig Elementary School.

Kini human giduso ni Bise Mayor Bebot Rodriguez ang maong sulat ngadto sa komite nga nangayo og tabang kalabot sa wala pagpatuman sa giaprobahan nga re-blocking sa entrance road sa eskwelahan nga adunay drainage nga mokabat og P1.3 milyones kapin subay sa giaprobahang Program of Works niadtong September 2023.

Gilauman sa bise mayor nga mahatag kanila ang tukmang aksyon. (RNQuiblat/SP)