Hangyo sa LOSA tukion sa Kom. sa Games and Amusement

GITAKDANG hisgutan sa Komite sa Games and Amusement ni Konsehal Roger Abaday ang sulat hangyo ni Mr. Rodrigo Go, tigdumala sa Lumbia Octagon Sports Arena sa Barangay Lumbia ning syudad, alang sa special permit aron sila makapahigayon ug invitational derby nga gitawag ug Metro Manila Vs. Mindanao karong June 13 ug 14 ning tuig.

Kini alayon sa pagsa-ulog sa Charter Day Celebration o HIMUGSO nga tambongan ug apilan sa derby aficionado gikan sa mga nagkadaiyang probinsya ug syudad sama sa Metro Manila, Pampanga, Negros, Cebu, Lanao, Zamboanga, Agusan, Surigao, Bukidnon ug Davao.

Malaumon si Abaday nga masunod ug maduso sa tigdumala ang tanang gikinahanglang rekisitos subay sa balaod sa syudad.