Hangyo sa Indahag Square Garden tun-an sa City Legal

GIDUSO sa komite sa Games and Amusement ni Konsehal Roger Abaday ngadto sa City Legal Office alang sa dugang pagtuon ug legal opinion ang sulat-hangyo ni Mr. Nilo T. Singsing, tagdumala sa Indahag Square Garden, alang sa pagsagop sa machine beating system diha sa maong bulangan subay sa mga adlaw nga gitumbok June 8 & 22, 2024, July 7, August 10 & 31, September 14, October 12 & 26, November 9 & 23, December 14 & 28-2024.

Sa milabayng tigom sa komite, subling nagpahinumdom si Abaday nga sundon sa tigdumala ang nalatid sa balaod sa syudad.

Lakip sa giduso sa komite aron tun-an ang aplikasyon sa Indahag Sqaure Garden sa Special Permit alang sa 3-Stag Derby karong July-29 ug August 21 ning tuig.

Niini malaumon si Konsehal Roger Abaday nga maduso sa tagdumala sa maong bulangan ang tanang gikinahanlang rekisitos alang sa maong matang sa operasyon subay sa balaod sa syudad.