Hangyo sa Balubal konsiderahon sa Public U

KONSIDERAHON sa komite sa Public Utilities ni Konsehal Romeo Calizo ang sulat sa konseho sa Barangay Balubal ubos ni kapitan Pablo Bactong nga naghangyong mahipos ang mga nagbitay nga linya sa PLDT nga naka-apekto ug naka delatar sa trabaho sa ikaduhang andana sa panimalay sa usa ka molopyo sa barangay.

Sumala pa nga nadawat sa lineman sa PLDT ang hangyo sa maong molopyo niadtong Marso 14, 2022 apan hangtod sa kasamtangan wala pay aksyon nga gihimo sa maong reklamo.

Niini, ang komite gipaabot nga mopahigayon og tigom aron pagtuki sa maong hangyo nga tambongan nila ni Konsehal Romeo Calizo, acting chairman ug ang mga sakop sa komite nga gilangkoban nila ni Konsehal Roger Abaday, Enrico Salcedo ug John Michael Seno.