Hangyo nga tax amusement exemption tukion

TUKION diha sa hawanan sa konseho atol sa tigom sa Komite sa Ways and Means ni Konsehal George Goking ang sulat hang yo ni Bobot Ramos, Operation Manager sa Dinosaurs Alive nga amusement tax exemption atol sa  ilang ipahigayon nga educational exhibit karong umaabot September 6 ning tuig diha sa Limketkai Center Atrium.

Malaumon si Konsehal George Goking nga masumite sa tigdumala ang tanang gikinahanlang rekisitos alang sa maong matang sa kalihokan subay sa balaod sa syudad.

Niini gidapit sa komite nga motambong sa tigom aron sa paghatag sa ilang panahom ug opinyon sila si Atty. Roy Hilario Raagas, City Administrator, Ms. Jasmin Maagad, City Treasurer, Atty. Kenneth Tamala, City Legal Officer og Mr. Bobot Ramos, Operations Manager Dinosaurs Alive.