Hangyo malimitahan ang rota sa rela, motorized sikad, tukion sa Komite ni Calizo

KONSIDERAHON sa Komite sa Public Utilities sa Konseho ubos ni Konsehal Romeo Calizo ang resolusyon nga gipalabang sa Macabalan.

Kini mihangyo nga ma-regulate ang operasyon sa mga motorela ug motorized sikad nga gabiyahian diha sa pantalan ingon man sa mga  kadalanan sa ilang dapit.

Sa maong resolusyon, ilang gihangyo sa Roads and Traffic Administration (RTA) nga unta malimitahan ang mga rota tungod kay nakapagrabe kini sa kapiot sa dagan sa trapiko sa ilang dapit.

Mipasabot ang barangay nga naa kanila ang tinguha pagserbisyo  sa kadaghanan  apan nahimo silang sentro sa mga pagsaway sa mga pasahero ingon man sa mga residente tungod sa nagkagrabe nga kahimtang sa trapiko nga  nakaapekto sa mga pasahero  gikan sa lain  laing destinasyon panahon sa peak hours.

Malaumon ang barangay nga mahatagan kinig igong pagtagad sa Komite.