Goking pabor sa consumer’s choice

Pabor si Konsehal George Goking sa pagpatuman sa mga lakang mapalambo ang mga negosyo dinhi sa dakbayan apan angayang hatagan sa patas nga kahigayonan ang mga konsumedor sa pagpili.

Kini human gituki, sa tigom sa Komite sa Trade and Commerce kagahapong adlawa, ang gpatuman sa akreditasyon sa Service and Retail Enterprises (SREs) dinha sa Department of Trade and Industry (DTI).

Matod pa nga unta mahimo kining usa sa mga rekisitos sa paglukat sa business permits o’ licenses sa tinguha nga maprotektahan ang interes sa mga konsumedor nga nanginahanglan sa maong matang sa serbisyo.

Ang representante sa DTI mipasabot nga tumong sa lakang nga masunod ang probisyon sa PD1752 ug CA 1992 ug matunol ang saktong serbisyo ngadto sa mga customer ug matino ang pagtamod sa mga nalambigit nga establisamento sa mga reglamento sama sa pagkuha sa insurance.

Dugang pa, malantaw usab ang kahanas sa mga trabahante sa natad sa serbisyong gitunol ug mamugna ang job agreement.

Niini, ang representante sa Misamis Oriental Filipino-Chinese Chamber of Commerce and Industry mipasabot nga adunay mga kakulian sa pagpatuman sa programa ug angayan ang makuting pagtuon niini.

Sa ilang bahin, ang representante sa buhatan sa City Treasurer misugyot nga himuong optional ang maong rekisitos.