Goking nagtoong paghatag incentibamakadani sa mga magpapatigayon

DAKO ang pagtuo ni Konsehal George Goking, chairman sa komite sa ways and means nga dugang makadani sa mga magpapatigayon ang paghatag og  incentiba kanila.

Mao kini ang panawagan ni Konsehal Goking ngadto sa tanang mga business organization lakip na niini ang mosulod pa sa dakbayan nga mga magpapatigayon.

Sa gipahigayong panagtigom sa komite niadtong milabayng adlaw, si Goking mibutyag nga ang paghatag incentiba dugang makapaaghat ilabi na kay ang ubang Local Government Unit wala pa nagpatuman niini.

Ang maong tigom gitambongan nila ni CDO Misamis Oriental MSME Development Council President Raymundo Talimio, Jr. ug uban pa gikan sa pribadong sektor sa syudad.

Niini gitinguha ni Goking nga mapanday ang ordinansa alang niini nga katuyuan alang sa dugang kalambuan ug kinitaan sa dakbayan. (MLRapanot/SP)