Goking nagpasalamat sa suporta sa mga negosyante

SI KONSEHAL George Goking, nagdumala sa kometi sa Trade & Commerce, nagpasalamat sa padayon nga pagsabot og pagsuporta sa mga negosyante dinhi dakbayan taliwala sa padayon nga nga implementasyon sa MECQ sa syudad nga molungtad hangtod sa Hunyo 30 niining tuiga.

Gipasabot ni konsehal Goking nga bisan sa pagkalugi sa ilang negosyo ang mga negosyante padayon og naningkamot nga dili masira ang ilang mga negosyo alang usab sa ilang mga empleyado nga dili mawad-an sa ilang panginabuhian niining padayon nga

problema sa pandemya.

Matud ni Goking, ang kahimtang sa ekonomiya ang tanan apektado busa angayan lamang ang pagtinabangay ug pagsinabtanay pinaagi sa pagsunod sa gi-implementar

nga mga health protocols nga dili na kinahanglan nga soltihan pa ang mga nahingtongdan aron masolbad kining maong pandemya nga naghatag og dakong problema sa tanan. Kinabuhi ang apektado busa gikinahanglan ang higpit nga pag-amping.