Goking mitambong sa USAID workshop seminar

ANG USAID Urban Connect Activity dako og ikatabang sa pagpalambo sa ekonomiya sa syudad.

Kini ang pamahayag ni Konsehal George Goking, Chairman sa Komite sa Trade and Commerce, human siya mitambong sa gipahigayong workshop seminar nga gipundohan sa USAID sa milabayng adlaw.

Ang Urban Connect City Improvement Planning (UCCIP), usa ka programa nga gitumong pagkuha sa urban connectivity alang sa malahutayong economic growth sa siyam ka mga syudad ug kasikbit nga mga dapit dinhi sa nasud.

Tinguha sa programa nga mapalambo ang lokal nga ekonomiya ug matunol ang tukmang serbisyo ngadto sa publiko. Kini nakahaum sa mga panginahanglanon sa katawhan nga maoy hatagan sa prayoridad sa matag syudad nga ipatuman.

Nasayran nga kuyog sa Cagayan de Oro nga makapahimulos sa programa mao ang mga dakbayan sa Batangas, General Santos, Iloilo, Legazpi, Tacloban, Tagbilaran, Puerto Princesa ug Zamboanga.