Goking misugyot sa kolaborasyon tali sa ORO-TIPC, Konseho

Gisugyot ni Konsehal George Goking, chairman sa komite sa trade and commerce, ngadto sa Oro Trade and Investment Promotion Center (ORO-TIPC) ang kolaborasyon uban sa Konseho kon adunay sila’y irekomendar nga mga improvement sa Business One Stop Shop (BOSS) sa business registration.

Kini ang gipasabot sa konsehal atol sa tigom sa Komite niadtong Biernes human gituki ang sulat ni Mr. John Asuncion, Local Economic Development and Investment Promotion Officer ORO-TIPC nga nagrekomendar sa pag-improbar sa Business One Stop Shop (BOSS) sa panahon sa pagrehistro sa mga patigayon karong tuiga.

Lakip sa gisugyot nga ipalambo mao ang pag-implementar sa Philippine Standard Industrial Classification (PCIS), cybersecurity optimization sa tax payments site ug sa pag-revise sa business permit unified application form.

Si Raymundo Talimio Jr., sa CdeO-MisOr Micro Small and Medium Enterprise Development (MSMED) Council, mibutyag nga sa gipahigayong panagtigom sa council, nahisgutan ang PCISC code sa Bureau of Internal Revenue (BIR) ug sa syudad kay ang problema  dili updated ang code sa syudad  hinungdan nga  dili kini aligned.

Matod ni Konsehal Goking  nga sayod siya nga gahinam-hinam  ang ORO-TIPC  sa pag-implementar  niini apan  kinahanglan  gihapon ang kolaborasyon sa Konseho  ug iyang gitugyan sa maong buhatan  ang  pagpanubag kon ugaling man adunay mga legal nga implekasyon tungod  kay  wala man kini  magikan sa Konseho nga lakang.

“Kun adunay mga illegal implication o pangutana, you take full responsilbility,” pahayag ni Konsehal Goking.