Goking misugyot areglahonang tanang overpasses sa syudad

GISUGYOT ni Konsehal Goking, Chairman sa Komite sa Trade and Commerce, nga areglahon ang tanang overpasses nga natukod sa syudad diin maglisod sa pag-agi ang mga Senior Citizen.

Kini ang reaksyon  sa Konsehal sa special report ni Konsehal Yvy Emano sa sesyon sa Konseho niadtong Lunes nga gidumala ni Bise Mayor Bebot Rodriguez mahitungod sa iyang nabantayan nga bisan aduna nay overpass, aduna pa gayoy pedestrian  crossing sa ubos o duol niini.

Matod sa konsehal  nga personal niyang  nasinati  nga samtang gahimo silag price monitoring,  diha sila nakaagi sa overpass  sa Gaisano- Centrio  nga diin iyang namatikdan nga galisod ang mga hamtong  sa pagsaka, labaw na gayud diha sa pagkanaog  diin delikado sa mga hamtong.

Niini, nanghinaot si Konsehal Goking nga lakip kini sa mahatagan sa pagtagad  alang sa hingpit nga kaluwasan sa mga hamtong.

Angayan areglahon ang structure sa tanang overpasses, kay very unfriendly to senior citizens, pamahayag ni Konsehal Goking.