Goking mipasalamat sa petroleum dealers sa CDO

DAKO ang pasalamat ni Konsehal George S. Goking, chairman sa komite sa Trade & Commerce, sa Petron Gas Station ug uban pang gasoline stations sa syudad nga nagpabilin sa ubos nga presyo samtang ang uban mipatuman na sa omento matag litro.

Mahinumduman nga naapektohan ang supply sa gasolina sa nasud human sa nagpadayon nga away sa Russia ug Ukraine.

Mapasalamaton ang konsehal sa kooperasyon nga gipakita sa mga negosyante aron dili malabihan sa kalisod ang katawhan karong panahona ilabina nga padayon pa ang pakigbatok sa pandemya dala sa Covid-19.

Ang konsehal mibutyag nga usa ka panagtigom ang ipahigayon sa DOE ug mga dagkong petroleum dealers dinhi sa nasud sa tumong nga mapangandaman ang posibleng pagsaka pa ug pagbalanse sa supply sa presyo sa produktong petrolyo.

Malaumon ang konsehal nga masolusyonan ang dakong problema sa supply ug pagsaka sa presyo sa lana.