Goking mapasalamaton sa suporta sa katawhan sa kasaulogan sa pista

Dako ang pasalamat ni Konsehal George Goking sa suporta sa katawhan sa tanang kalihokan atol sa kasaulogan sa pistasa dakbayan.

Lakip niini ang pagpahigayon sa fireworks display nga gisaksihan sa kinabag-ang katawhan ug mga dumuduong. Gibati sa konsehal ang dakong kalipay tungod sa kooperasyon sa mga misalmot aron magmalampuson ang mga kalihokan inubanan sa pag-abag sa kwerpo sa kapolisan nga nagmitinar sa kahapsay ug kalinaw.

Nunot sa pagsaulog sa kapistahan ni Sr. San Agustin, gipasalamatan sa konsehal ang pagpahigayon sa Diskwento Caravan nga naghatag og kahigayonan sa mga konsumedor nga makapalit sa ubos nga presyo.

“Ang akong panghinaot nga magpadayon ug molungtad ang panagtambayayong sa tanan aron maangkon ang kalamboan ug kalampusan sa mga kalihokan sa dakbayan,” pamahayag ni Goking.