Goking gipasidunggan og Gawad Kaunlaran

SI Konsehal George Goking, usa ka Phil. Air Force group reservist, midawat sa iyang Gawad sa Kaunlaran Award.

Ang maong pasidungog mao ang ikaduhang labing taas nga pasidungog nga gipresentar sa Armed Forces of the Philippines ngadto sa mga sibilyan ug mga opisyal sa gobyerno nga mihatag sa ilang suporta sa panahon nga adunay kalamidad o katalagman.

Ang PAF nagkanayon nga si reservist Goking nagpadayon sa pagpatuman sa iyang katungdanan sa pag-alagad ug pagsuporta sa PAF aron makab-ot ang nasudnong seguridad ingon man socio-economic development taliwala niining mahagiton nga mga panahon sa pandemya.

Dako ang akong pasalamat sa Philippine Air Force ug Armed Forces of the Philippines sa pag-ila sa sa akong suporta ug pakiglambigit dinha sa pagpatunhay sa kahusay ug kalinaw ug andam ako kanunay nga mohimo sa mga angayang lakang alang sa kaayuhan ug kaseguroan sa katawhan, pamahayag ni Konsehal George Goking.