Girlie nangusog matunol social pension sa PWDs

Dakong tabang sa atong mga igsoong kabus

nga adunay mga kabilinggan sa panglawas ang bisan unsang matang sa ayuda nga matunol sa kagamhanan ngadto kanila.

Mao kini ang pamahayag ni Konsehal Girlie Balaba atol sa milabayng tigom sa komite sa social services human gituki ang sugyot ordinansa nga magtunol og social pension ngadto sa mga kabus nga Kagay-anon ilabina sa kabataan nga adunay kabilinggan sa panglawas.

Sa sugyot ordinansa, gilaraw ang paghatag og tag-P500 matag bulan nga social pension agig pagtabang sa mga PWDs dinha sa ilang panginahanglanon sa tambal, gatas ug uban pa.

Kini alayon sa probisyon sa batakang balaod ingon man sa Magna Carta for Persons with Disability nga mga kaakuhan sa gobyerno ngadto sa katawhan.

Sa tigom, si Konsehal Aga Suan misugyot nga samtang padayong gitun-an ang balaodnon, unta matun-an usab nga ma-usbawan ang sugyot nga ayuda.

Kun makatunol kita og mas dako kaysa tag-P500 matag bulan, mas maayo alang sa atong mga igsoong adunay kabilinggan sa panglawas.

Niini, si Balaba miduso sa sugyot ngadto sa buhatan sa City Social Welfare and Development alang sa pag-validate sa mga posibleng mamahimong benepisaryo sa programa.

Ang tigom sa komite gitambongan nila ni Konsehal Imee Moreno, Yvy Emano, Bernie Esparcia ug Aga Suan.