Girlie mipahalipay sa kababaenhan pagsaulog sa Women’s Month

NUNOT sa pagsaulog sa Women’s Month ning bulan sa Marso, maiinitong gipaabot ni konsehal Girlie Balaba ang iyang pagpahalipay sa tanang kababaenhan dili lang sa dakbayan apan sa tibuok nasod kinsa kabahin sa maong tinuig nga kasaulogan.

Matod ni Balaba nga dili sayon ang papel sa kababaenhan sa komunidad ug dili mahimong magmalampuson ang usa ka pamilya kun wala ang ilang presensya isip mga inahan.

Gidugang sa konsehal nga saludo siya sa kababaenhan ilabina sa mga nagserbisyo nga frontliners ning panahon sa pandemya, nakigbisog alang sa kalamboan sa nasud ug kabahin sa pagpabarog sa nasod.

Ang kasaulogan nagsentro sa temang “Juana, Nangunguna Laban sa Pandemya”.

Niini, giaghat ni konsehal Girlie ang kababaenhan pagsuporta sa mga kalihukan nga gihikay sa gobyerno alang sa maong kasaulogan aron kini magmalampuson.

We salute all women who are serving as frontliners, pahayag ni konsehal Balaba.