Fiesta sa Kaumahan sugdan karong Agosto 1

GIPAHIBALO ni Konsehal Jay Roa Pascual, Chairman sa Komite sa Tourism, nga sugdan na sa umaabot Agosto 1 ang Agro Fair and Garden Show diha sa Gaston Park, ning syudad.

Ang maong kalihokan molungtad hangtod sa kataposan sa Agosto, sumpay sa Konsehal.

Usa kini sa nakahan-ay nga mga kalihokan alang sa Higalaay Festival 2024 atol sa pagsaulog sa kapistahan sa dakbayan sa Cagayan de Oro .

Matod sa konsehal nga daghan ang mapalit nga mga klase sa pagkaon, utanon, prutas ug mga nagkadaiyang produkto sa kaumahan sa maong Agro Fair. 

Dako ang paglaum ni Pascual nga sa maong kalihokan mas molambo pa ang food industry dinhi sa syudad.