Imbestigasyon sa problema sa panubig gisugdan na

GISUGDAN na kagahapong adlawa ni Konsehal James Judith, Chairman sa TWG for Fact-finding and Investigation sa gimugnang Special Task Force for Water Supply and Distribution, ang fact finding inquiry kalabot sa pagsuta sa hinungdan sa nasinating problema sa  panubig sa syudad.

Atol sa maong tigom, siya mibutyag nga angayan sutaon ug tun-an pag-ayo ang nahilatid sa kontrata tali sa Cagayan de Oro Water District (COWD) ug Rio Verde Consortium ingon man ang pagsulod sa kontrata isip Joint Venture Agreement tali sa (COWD) ug sa Metro Pacific.

Malaumon si Konsehal Judith nga pinaagi sa kooperasyon matin-awan ang publiko ug  masayran ang tinubdan sa maong problema aron mapangitaan sa tukmang aksyon ug posibleng solusyon.

Niini, gidapit sa pagtambong karong adlawa sa ikaduhang hugn ang mga kanhi Board of Directors sa COWD ug ubang mga hintundang mga  personahe nga maoy angayan makatubag  sa maong isyu.