Ethics padayong magdungog sa mga kasong gipasaka batok brgy officials

Padayon nga dunggon sa komite sa ethics and blue ribbon ni Konsehal Edgar Cabanlas ang mga kasong gipasaka batok sa mga opisyal sa pipila ka barangay sa syudad.

Sa tigom karong alas 2 sa hapon, dunggon ang kasong gipasaka batok sa kapitan sa Barangay 7, 31 ug Macasandig.

Malaumon si Konsehal Cabanlas nga motambong sa tigom ang mga nanumbong, sinumbong ug mga testigo niini aron mahimo sa komite ang patas ug makiangayon nga desisyonan sa mga gipasakang kaso.

Ang tigom gipaabot tambongan nila ni Konsehal Jose Pepe Abbu Jr, Girlie Balaba, Romeo Calizo, Roger Abaday, Ian Mark Nacaya, James Judith II ug Bise Mayor Bebot Rodriguez.