Esparcia uyon sa sugyot ordinansa nga take-back scheme

SUPORTADO ni Konsehal Bernie Esparcia, chairman sa komite sa climate change adaptation & mitigation and disaster risk reduction, ang sugyot ni Konsehal Roger Abaday nga magpalabang ug ordinansa alang sa take back scheme o pag-aghat sa nag-negosyo sa on-line nga mag-establisar sa ilang designated collection points sama sa warehouse o delivery centers alang sa proteksyon sa kinaiyahan ug mahimong mapuslan pa ang mga plastics pinaagi sa pag-recycle niini ug mahimong makitaan.

Kini ang gipaambit nga opinion ni Esparcia atol sa sesyon niadtong Lunes nga gidumala ni Presiding Officer Pro Tempore Konsehal Romeo Calizo.

Sumala ni Esparcia nga dakong tabang sa dakbayan ang maong lakang kay sa kasamtangan maobserbaran nga ang mga basura sa kadalanan dili matarong sa paglabay ug kaykayon ang uban sa naglatagaw nga mga iro nga maoy nakahatag kahugaw sa syudad.

Siya midugang nga halos tanang katawhan sa online na mag-order busa angayan lang kini nga mahingusgan alang sa dugang proteksyon sa kinaiyahan kay aduna naman naestablisar nga maoy magdumala, sumpay ni Esparcia.

Malaumon si Esparcia nga pinaagi sa kooperasyon sa mga magpapatigayon mahimong mapatuman kini nga sugyot ordinansa alang sa kaayuhan ug kalimpyo sa syudad. (MLRapanot/SP)