Esparcia pabor sa panawagan sa PCCI bahin sa House Bill 7705

SUPORTADO ni Konsehal Bernie Esparcia ang panawagan sa Philippine Chamber of Commerce and Industry (PCCI) alang sa balanse ug hinay-hinay nga pamaagi sa pagpanday sa mga balaod ug palisiya alang  sa ipalabang nga House Bill 7705 kabahin sa carbon emission policy nga mahimong zero ang net sa tuig 2050.

Sa iyang special report atol sa regular sesyon sa konseho nga gidumala ni Bise Mayor Bebot B. Rodriguez, si Konsehal Esparcia mipasabot nga ang House Bill 7705 naghatag og dakong kaayohan sa kinaiyahan apan gikinahanglan ang balanced approach tungod kay mahimong daghan ang maapektohan niini, ilabina ang ekonomiya.