Esparcia pabor sa pag-improbar sa facilidad sa K-9 Units

HUGOT nga gisuportahan ni Konsehal Malvern Esparcia, Chairman sa Komite sa Climate Change, ang planong pag-hatag og gahin alang sa pag-improbar sa mga facilidad sa K-9 Dogs sa syudad.

Kini ang gipaambit nga reaksyon ni Esparcia sa special report ni Presiding Officer Protempore Konsehal Romeo Calizo may kalabotan sa kasamtangang sitwasyon sa facilidad sa K-9 unit nga diin nagkinahanglan sa igong pagtagad.

Sumala ni Konsehal Esparcia nga dili lang tabangan aron mapalambo ang ilang facilidad kung dili lakip na ang paghatag og gahin alang sa mga maintenance sa K-9 Dog sama sa vitamins, vaccination, dog toys ug uban pang gikinahanglan kay pinakagamit ang K-9 dogs alang sa seguridad sa dakbayan ilabi na kay nagsingabot ang kapistahan.

Nunot niini hugtanong misuporta si Esparcia sa maong lakang ug malaumon nga mapatuman kini alang sa seguridad sa katawhan ug sa dakbayan.