Esparcia naninguha masolusyonan mulo sa mga maestra sa BES

Gipaningkamotan ni Konsehal Bernie Esparcia, chairman sa komite sa climate change, nga matabangang masulbad ang mulo sa mga tinun-an ug magtutudlo sa Besigan Elementary School.

Kini human mibisita dili palang dugay ang konsehal didto sa maong tunghaan ug nakita ang tukmang kahimtang ug problema sa pansayan, kakulangon sa tubig, walay covered court ug dakong magasto sa mga magtutudlo sa ilang transportasyon.

Gibutyag sa konsehal nga walay transportation allowance ang mga magtutudlo sa maong tunghaan ug wala usab silay hazard pay sukad nga giingong nasemento na ang dalan.

Niini, si Esparcia mopaabot sa maong problema ngadto sa konseho ubos ni Bise Mayor Jocelyn Rodriguez aron mapangitaan og solosyon.