Esparcia naningkamot masolusyonan problemas mag-uuma sa Tignapoloan

“GIBATI karon  og kalisod  ang katawhan sa Barangay Tignapoloan tungod sa kakulangon sa fasilidad og panubig”.

Kini ang  gibutyag ni Konsehal Bernie Esparcia, Chairman sa Climate Change, sa konseho human  iyang  gibisita ang  maong barangay di palang dugay.

Sumala sa konsehal nga tipik sa gipa-abot sa Man-ai Integrated Agro-Forestry Farmers Association, kapunongan sa mga mag-uuma sa barangay, mao ang kakulangon sa panubig  ug kaalam sa pagbuhi og  kanding kay galisod sila panahon nga magkasakit ang ilang mga binuhi  hinungdan sila mihangyo og personahe o technician gikan sa kagamhanan nga makagiya ug makatudlo kanila sa hustong  pamaagi ug kaalam.

Dugtong niini, problema usab sa katawhan  ang transportasyon padulong sa syudad tungod  sa kataas sa  pletehan   tungod  sa kalayo sa pagbiyahe paingon sa sentrong bahin sa syudad.

Niini, si Konsehal Esparcia mibutyag nga iyang paningkamotan nga pangitaan og paagi ug  masolusyonan ang problema sa mag-uuma sa Tignapoloan.