Esparcia nangusog maplastar mga modernized jeepneys

“WALAY klaro  nga  terminals  ang mga modernized jeepneys”.

Kini ang tipik sa special report ni Konsehal Bernie Esparcia atol sa sesyon sa Konseho niadtong Lunes nga gidumala ni Bise Mayor Bebot Rodriguez.

Matod sa konsehal nga iyang namatikdan nga adunay  mga bag-ong rota sa modernized jeepneys nga walay  insaktong terminal nga  diha lang gahulat og pasahero daplin sa dalan nga nakadugang sa kahoot sa dagan sa trapiko.

Mipasabot  si Konsehal Esparcia  nga tungod wala silay insaktong terminal nahimo usab kining problema sa mga negosyante tungod kay gakaalihan  naman ang ilang mga tindahan sa higayon nga maghulat kini og pasahero.

Niini, giduso ni Bise Mayor Rodriguez ang maong  taho ngadto sa Komite sa Barangay Affairs ni Konsehal Yan Lam Lim, Komite sa Cooperative ni Konsehal John Kenneth Sacala ug Komite sa Public Utilities ubos ni Konsehal Romeo Calizo alang sa dugang pagtuon ug aksyon.