Esparcia nangindahay adunay tagal ang CTO dihas paglease og budget

NANGINDAHAY si Konsehal Bernie Esparcia nga unta makahatag og tagal ang buhatan sa mamahandi diha sa pagrelease sa budget labina sa mga importanting programa.

Kini ang gipahayag sa konsehal atol sa tigom sa Komite sa Panglawas niadtong Biernes nga gidumala ni Konsehal Malou Gaane samtang padayong gipanday ang sugyot ordinansa ni Bise Mayor Bebot Rodriguez nga nag-institutionalize sa newborn screening.

Gipasabot sa taga-City Treasurer Office nga gahulatan nila ang processed documents nga  makaabot sa ilang buhatan ug ang tresorero ang motumbok kon unsay iyang hatagan sa prioridad. Apan tungod kay ang supplier sa kahimanang  gamiton  alang sa maong katuyun nagrequire man nga cash ang ibayad, iyang  hangyoon  ang tresorero  nga usa kini sa  hatagan og pagtagad.

Hinoon nasabtan ni Esparcia ang gipatumang proseso sa buhatan apan iyang gipaambit nga unta sama sa ginabuhat sa pribadong sektor nga kon aduna sila’y bayran gahatag sila og igong tagal sa adlaw nga marelease kini.