Esparcia misuporta sa sugyot pagtukod og elevated walkways

GISUPORTAHAN ni Konsehal Bernie Esparcia ang sugyot ni Konsehal Ian Mark Nacaya pagtukod og elevated pedestrian o’ walkways dinha sa sentrong bahin sa syudad sama sa Greenbelt Ayala, Makati City.

Ang konsehal mibutyag nga isip chairman sa Komite sa Climate Change hugot niyang girekomendar ang sugyot nga proyekto tungod kay dako kini og ikatabang nga mapagaan ang kapiot nga dagan sa trapiko ug labaw sa tanan maprotektahan ang biodiversity ug maminusan ang fuel emission nga nakadugang sa kainit sa kalibutan.

Si Esparcia midugang nga ang pag-divert sa katawhan sa pagbaklay sa mugbo lang nga adtoan makatabang nga maminusan ang kasaba ug polusyon sa hangin ug uban pa.

“Dako kaayo ang akong suporta ani nga proyekto,” pamahayag ni Konsehal Esparcia.