Esparcia misugyot pagbutang og personahe aron modumala sa dalan dihas Masterson Avenue

GISUGYOT ni Konsehal Bernie Esparcia ang pagdestino og personahe aron maoy magdumala sa trapiko sa dalan gikan sa Masterson Avenue Canitoan paingon sa SM Uptown ning syudad.

Kini ang gipadayag sa konsehal atol sa tigom sa Komite sa Public Works kagahapon nga gidumala ni Konsehal Edgar Cabanlas.

Sumala ni Esparcia nga adunay mga gitrabahong drainage project sa dapit ug gawas nga adunay mga ekipo, iya usab namatikdan nga walay personahe nga gadumala sa trapiko hinungdan nga gahuot ang dagan sa trapiko  kay ga-one way na kini.

Gipasabot sa konsehal nga kinahanglan aduna untay magdumala sa trapiko sa dapit aron dili maghuot kay ang nahitabo isig pagahiay ang mga drivers, butang nga iyang gikahingawa.

Hinoon, matod sa representante sa City Engineers Office (CEO) nga ang contractor na ang magbutang og personahe alang sa maong katuyoan.