Esparcia misugyot ipatawag kanhing COWD board members

“GIKINAHANGLAN nga ipatawag ang mga board members sa Cagayan de Oro Water District (COWD)”.

Kini ang giluwatan nga pamahayag ni Konsehal Bernie Esparcia, Chairman sa Komite sa Climate Change, atol sa miaging tigom sa committee as a whole nga gidumala ni Konsehal Edgar S. Cabanlas.

Gipasabot sa konsehal nga kinahanglan  ipatawag  ang mga  board members sa COWD sa maong panahon aron sila mapangutana ug makatubag  nganong misulod sila sa maong kontrata nga klaro man nga alkansi  ang kagamhanan ilabina ang katawhan.

Dugang niini, buot usab masayran ni Konsehal Esparcia nganong  nakig-deal sila sa  kontrata sa Metro Pacific nga wala man kini mga  kahimanan ug igo ra kini mipalit og tubig sa Rio Verde.