Esparcia misugyot dapiton sa tigom sa komite ang contractor sa kadalanan

GISUGYOT ni Konsehal Malvern Esparcia, Chairman sa Komite sa Climate Change Adaptation and Mitigation and Disaster Risk Reduction, nga dapiton sa tigom sa Komite sa Public Works ang contractor nga nag-trabaho sa kadalanan sa syudad.

Kini aron mapangutana sa mga hintungdang ahensya sa goberno sama sa Department of Public Works and Highway, ug City Engineering Office kon kinsa ang magdumala sa dagan sa trapiko, ang contractor ba o ang mga sakop sa Roads and Traffic Administration (RTA).

Sumala ni Konsehal Esparcia nga iyang namatikdan nga walay nagdumala sa dagan sa trapiko sa maong dapit hinungdan nga masinati ang kapiot sa dalan.

Malaumon si Esparcia nga mahatagan kini sa insaktong tubag aron masolusyonan ug mahupay ang mulo sa mga motorista gumikan sa problema sa trapiko sa dapit.

Niini, ipatawag sa tigom sa komite ang maong contractor ug ang mga hintungdan ahensya aron matino ug mahatagan sa tukmang solusyon ang nasangpit nga problema.